目錄 登入會員 購物車 {{currentCart.getItemCount()}}

關於我們

Fia嬰兒時就出現濕疹,臉蛋、手腳總是紅通通的。我們帶Fia看醫生,嘗試了醫生推薦的保濕產品、市面上的大牌子、朋友的良心推薦,可是通通都出現過敏反應,原來Fia 對一般產品大多使用的化學劑敏感。一次,Fia 使用未精製的椰子油後,終於沒有不良反應。這瓶椰子油成為了我們決心自製天然護膚品的契機。媽媽利用註冊護士的知識過濾中外資訊,爸爸透過工作聯繫搜集各地無化學污染材料,經過無數個做實驗、做test patch的夜晚,不斷的試驗、失敗及改良,我們終於成功製作出天然護膚品, Fia的皮膚問題亦得以改善。我們希望透過AmoFia將我們努力的成果和有需要的人分享。

其實AmoFia意思?

 

AmoFiaĀ mò係意大利文讀作 (阿莫,即係I love 既意思, 囡囡英文名叫Fia,AmoFia即係I love Fia 咁解,正正係因係對囡囡既愛,所以個名咁改係最適合

 

產品上面個嘜頭係 ?

 

其實個公仔係卡通牌既Fia,記得細細個o個時,好多香港老牌子都係印住大大隻老闆個樣係封面,依種行為表現住以前既人做生意既"誠心誠意、童叟無欺,我敢用人頭擔保,貨真價實"。AmoFia同樣想傳遞同一種承諾,我們希望將幫到自己女兒的小小心意與大家分享

 

點解會有親身整護膚品呢個念頭?

 

Fia bb仔既時候已經對好多野敏感,所以塊面、手仔腳仔都成日一達達,仲要R到爛晒,開頭帶佢睇醫生,醫生就話只要避開致敏原同搵隻岩佢既cream 就會好好多,不過佢推薦ge保濕產品、市面上ge大牌子、朋友試過work ge野,統統都唔得,一搽落去就紅晒,後尾先知原來令佢致敏ge 野有好多,好多野連我食完之後經人奶俾佢都唔得

我地開頭研究左我食既野先既,逐樣逐樣慢慢試,再整理番D資料,發現只要係野食有味精或者增味劑,又或者係D食材有受化學污染的話就會出事

之後我地再睇埋佢用既保濕產品既成分,呢個就係最頭痛既部分啦, 差唔多隻隻牌子都會落一D常用既化學劑,所以我地搵極都搵唔到隻唔致敏既。 

係冇辦法底下家姐係美國寄左支椰子油俾我地試,希望可以避開D化學劑,同醫生傾完可行性之後我地就係Fia身上試,果次亦係咁耐而黎完全冇出現不良反應既一次,就係咁我地就開始研究用天然植物油黎做佢護膚品啦。

 

AmoFia-產品係點整架?

 

本身太太係一名註冊護士,再加上以前讀science,所以對皮膚同D學名有少少認識,而且搵科學報告、成份分析比較熟手,好多時都係太太做完research,決定好用邊隻就搵我先生幫手。

先生本身就係做廠(GMPc),加上係外國返黎,所以係外國訂購原料,同當地人合作就比較在行,所以亦都可以容易搵到比較靚既有機油,搜集到各地無化學污染既天然材料。有左材料之後,我地通常先幫囡囡做過敏測試,試過冇敏感之後就再慢慢調整份量,經過好多測試同改良之後,就溝到而家呢隻改善到Fia 皮膚問題既油膏同保濕水喇。

                       

幾時決定製作自己ge品牌?

 

本身冇呢個諗法架,本身我地整既油膏、保濕水都係自用,但身邊朋友、同事、親戚都有皮膚大大小小ge問題,有時都會分d製成品俾佢地用,點知係佢地身上都work wor,大家用完都會再問可唔可以再幫佢地整。過左一年半,朋友提議我地不如將護膚品建立一個品牌,咁樣又可以幫到其他有需要ge人,所以我地就開始左呢個小小ge嘗試啦。